Meziek

Vastelaovesleidje 1925

 

In neugeteen vief en twintig

Höbbe veer oes oetgedach,

Einen optoch hie te make

In groote praal en prach,

De Einekoezer jonges

Die zeen, zoo wie der wèt,

Vol van gekkerieje

Leuk en opgewèk

 

Refrein:

Dit is tot groot vermaak

Veur Joenk en auwt van daag

’t Brink leave in de zaak,

Om ’t is oos ideaal

Te make groot kabaal

Ei laeve kolosaal

 

Ooze raod is oug vergadert

Mer zit nog in ein conflik,

Om ze koenne mer niet besjloete

Wie ze ’t doon mit den electric,

Noemmer elf van de agenda

Is ’t dempe van de Wup,

Den aanlèk van de riole

Det toch mer neme verzup

 

Refrein:

Dit is tot groot vermaak

Veur Joenk en auwt van daag

’t Brink leave in de zaak,

Om ’t is oos ideaal

Te make groot kabaal

Ei laeve kolosaal

 

Hie is noe veur ’t eesch verschene

De Grand Cirk Americain,

Mit tijgers, Baere, Leeuwe

En ein allernuutste scène,

Stömmers, acrobate,

Clouns van den eeschte chik,

Die zolle fratse make

Dat der zèg: zie zeen getik

 

Refrein:

Dit is tot groot vermaak

Veur Joenk en auwt van daag

’t Brink leave in de zaak,

Om ’t is oos ideaal

Te make groot kabaal

Ei laeve kolosaal

 


 

 

Kruukske mit Schmaut

 

Refrein:

Ich höb ein Kruukske mit Schmaut,

Dat toesj ich niet veur goud,

Doa kump mich geine aan,

Dat hang ich nog veul hoger es de vaan,

Ich höb ein kruukske mit Schmaut,

Dat toesj ich niet veur goud,

Zolang es ich dat Kruukske höb,

Höb ich nog ummer gouwe moud.

 

Dae Haarie dae Haarie dae hauw mich get gemaak,

Dae haw mich ein maedje oet ’t Hollese gesjtrick,

Dat brach hae mit nao ’t Schmautbuulelandj,

Ofsjoon hae koosj weite dat hilt niet lang in sjtandj,

Höm koume de trönkes in de auge te sjtoan,

Toen hae doamit teruk noa ’t Hollese moosj gaon,

Totdat m’n höm dat Kruukske brach,

Toen zag de jung mit eine lach,

 

Refrein:

Ich höb ein Kruukske mit Schmaut,

Dat toesj ich niet veur goud,

Doa kump mich geine aan,

Dat hang ich nog veul hoger es de vaan,

Ich höb ein kruukske mit Schmaut,

Dat toesj ich niet veur goud,

Zolang es ich dat Kruukske höb,

Höb ich nog ummer gouwe moud.

 


 

 

De Smautbuul

 

Merie oet Einekoeze

De parel van ‘t dörp

Dat krig aan jeder vinger ein

Daomit haet t gein zörg

‘Want wie dae rieke heer lés

Koum vrauge veur zien handj

Doe lachde ’t en zag mér jong

wô is toch dien versjtandj

 

Ich wille ‘ne Schmautbuul,

Ich wille ‘ne Schmautbuul,

En angesj wil ich gein

Ich wille ‘ne Schmautbuul,

Ich wille ‘ne Schmautbuul,

Want die heure toch bieëin

 

Maar kendj zag toen de vader

Doe bés zo biedehandj

Zoon kans kris doe me leave niet

Gebroek toch dien versjtandj

Och pap zag toen oos maedje

En gouf ‘m vlot ein moel

Ich heur in einekoeze toes

weit geer wat ich bedoel

 

Ich wille ‘ne Schmautbuul,

Ich wille ‘ne Schmautbuul,

En angesj wil ich gein

Ich wille ‘ne Schmautbuul,

Ich wille ‘ne Schmautbuul,

Want die heure toch bieëin

 

‘t gong bie Vleugels danse

En trof dao ziene jong

Ich hoef niet te vertelle

Wie dat noe wiejer gong

Ze gonge same nao t sjtadhoes

En ze bleeve niet allein

Noe zènge al hun kenjerkes

Tesame dit refrein…..

 

Ich wille ‘ne Schmautbuul,

Ich wille ‘ne Schmautbuul,

En angesj wil ich gein

Ich wille ‘ne Schmautbuul,

Ich wille ‘ne Schmautbuul,

Want die heure toch bieëin

 


 

 

De Sjlontj

 

En aan de slonjt, jao dao bén ich gebaore

Ze zëkke Einekoeze aan ‘t sjtranjt

Ein sjoonder dörp mós doe mich éns verklaore

vinjs dich toch neit, hiej in ’t ganse lanjt

 

Sjtil en tevree lik Einekoeze versjaole

Rónjtóm zich haer ’t gruin van al die buim

Mit zien veljtwaech, zien sjteichskes

en zien paedjes

’t is get wie ein doolhaof in ’t gruin

Mit zien veljtwaech, zien sjteichskes

en zien paedjes

’t is get wie ein doolhaof in ’t gruin

 

En kump’ste auch al in Paries of Brussel,

in Hamburg, Londen, Moskou of Milaan

Doe kumps weier trök in ’t dörpke mit twee tööres en zings mit mich, jao Einekoeze alaaf

Doe kumps weier trök in ’t dörpke mit twee tööres en zings mit mich, jao Einekoeze alaaf

 

En zou ich dich, mien dörp, mótte verlaote

Es ich ging woone in ein anger plaats

Noots zou ich dich, mien Einekoeze, vergaete

Want in mien hart besjleis’te ein grote plaats

Noots zou ich dich, mien Einekoeze, vergaete

Want in mien hart besjleis’te ein grote plaats 

 


 

 

De Smautbule Haan (2003)

 

Dao baove op den toore

Dao sjtonge ze biejein

Twee haane te dreeje

Gans hoog en gans allein

Ze weeze dao in waer en wenjd, vanaaf d’n hoge tump

De luij van Einekoeze aan oet welke hook de wenjd hie kump.

 

Refrein:

De smautbule haan, jao det zult geer allemaol weite

De smautbule haan, jao dae is ‘m sjtil gaon pleite

De smautbule haan, jao dae heat zien werk gesjtaak

En dae zuik noe bie de hounder, bie de hounder zien vermaak

 

En op eine zunjig-mörge, ’t waor nog heel erg vruig

Zaet eine van die haane, ich ben dat dreeje muig

Dao ônger lik ‘ne houndersjtal, dao höb ich zeker kans

En mit ‘ne rukwenjd vloog hae nao Bertha Wagemans

 

Ref.

 

En wie ’t klökske klinkde, toen ging me nao de kirk

Me keek verschrik nao baove, me haw ’t zo gemirk

Dae haan dae is veurgoud eweg, dae zeen veer nootsj meer trök

In zo’ne grote houndersjtal, haet hae ’t völste drök

 

Ref.

 


 

 

In Einekoeze ben ich geboare

Melodie: Am Rosenmontag

Teks: Jack van de Berg (1984)

 

Refrein:

In Einekoeze, bèn ich geboare

In Einekoeze, jao aan de Sjlôntj.

De Vasteloavend, vier ich al jaore

In mien klein dörpke, want doa is ’t bôntj.

 

Want geis doe al vriedigs noa ’t wieverbal

Dan heurs doe veul zeiver en auch sjêle kal.

De maskes ze zènge en maake plezeer

Doe kèns met ôs danse bie ’n glaeske beer.

 

Refrein:

In Einekoeze, bèn ich geboare

In Einekoeze, jao aan de Sjlôntj.

De Vasteloavend, vier ich al jaore

In mien klein dörpke, want doa is ’t bôntj.

 

En zuus doe den optoch dae ’s moandigs hie trèk

Dan dènks ze: wie kènt dat, dat is toch te gek.

De luuj die zo sjprènge, ’t is ein groot bal,

Dat in Einekoeze, dat is karnaval.

 

Refrein:

In Einekoeze, bèn ich geboare

In Einekoeze, jao aan de Sjlôntj.

De Vasteloavend, vier ich al jaore

In mien klein dörpke, want doa is ’t bôntj..

 


 

 

25 jaor Schmautkapel Einekoeze

 

De eesjte twee koeplette van dit leidje zeen gemaak bij de oprichting van de kapel.

25 jaor later höbbe veer tes nog 3 biegemaak.

 

Veer höbbe ein meziekkapel,

Wè haw dat ooit gedach.

Dat in Einekoeze zo get koosj,

Wè zou dat höbbe verwach.

Die kapel van os die moug ter zeen

Al sjtùmp ut auch soms niet

Want van de ganse carnaval

Dao sjtùmp jao auch niks van.

 

Refrein: (2x)

Jao oos kapelke, dat prach kapelke

Dat mot ter hie mit de vasteloavend zeen.

 

Ze trèkke door de sjtraote rondj,

En speele dat ut kraak,

En jonk en aut die sprènge mit,

En roupe dat is raak.

Auch de jong maedjes van ut dörp

Die loupe der achter aan

Want zonger die maedjes is het niks,

Dao kent geer van op aan.

 

Refrein: (2x)

 

Die leifste maedjes, die lekker maedjes,

Zo vinsj te hie in de ganse omtrèk gein.

Ze krege auch nog eine naam,

Ze nuimden zich “Boerekapel”,

Mit halsdouk, patsj en boerekiel,

Blouze ze heel hèl.

Meziek en leidjes zelf gemaak,

Dat waor wat ze os brach

En Einekoeze lèèfde mit

Dat sjtong bie veurbaat vas.

 

Refrein: (2x)

 

Jao oos kapelke, dat boerekapelke

Dat mot ter hie mit de vastelaovend zeen.

Zo geit dat noe al jaore door,

De kapel is sjteeds present

En jeder nuje Schmautbüleprins

Is daomit zeer content.

Ze höbbe noe sjoon pekskes aan

En auch eine nuje naam

Ze heisje noe de Schmautkapel

En sjtaon nog sjteeds veuraan.

 

Refrein: (2x)

 

De kapel besjteit noe ein kwart eeuw,

Haet veul veur het dörp gedaon

Ze doon dit toch mer allemaol,

Vastelaovend mot wiejer gaon.

Daoveur dank en hulde op dit fees.

Dat ut zo moug blieve gaon,

Want mit ooze Schmautkapel,

Blif vastelaovend besjtaon.

 

Refrein: (2x)

 


 

 

Kom mit os mit

 

Refrein:

Kom mit os mit, veer goan noe,

Blief doa niet sjtaon aan de kantj.

Doa is van alles aan de handj.

Van Bergerweeg tot Brenjstroat

Pakke veer os in de erm

En op meziek van ein kapel

Danse en sjpringe veer os werm

 

Joa in ut dörp wo men os kent

Doa sjtrieke veer geer neer.

Hie viert men vastenaovend

Jeder op zien eige manneer

Lommele om dien lief

Patsj op de kop

Sjmink op dien gezich

Zo sjteis dich vanaovend heel sjoon der-op

Dus………….

 

Kom maar mit os mit.

Kom mit os mit, veer goan noe,

Blief doa niet sjtaon aan de kantj.

Doa is van alles aan de handj.

Van Bergerweeg tot Brenjstroat

Pakke veer os in de erm

En op meziek van ein kapel

Danse en sjpringe veer os werm

 

Es door ut dörp de optoch trèk

Sjtaon weinig luuj langs de sjtraot

Want jederein wilt mit gaon

Mit de Prins en ziene Road

Op de fits es auwt wief

De clown te vòot

Buurte op ein kar

Bie os is de optoch heel erg góod

Dus……………………

 

Kom maar mit os mit.

Kom mit os mit, veer goan noe,

Blief doa niet sjtaon aan de kantj.

Doa is van alles aan de handj.

Van Bergerweeg tot Brenjstroat

Pakke veer os in de erm

En op meziek van ein kapel

Danse en sjpringe veer os werm.

 


 

 

Einerkoezer Karnaval

Melodie: “Und trinken wie noch eine flasche wein….”

Teks: Chris Paes (1983)

 

Refrein:

De Einerkoezer karnaval,

is noe weer van start

Dea Sjoone spas en kolderkal

Kump os oet ’t hart

 

De Einerkoezer karnaval,

’t sjoonste wat ‘r is

Wae hie neit mit heat rondj gedans

Dea heat get gemis

 

‘T is alweer o wiet

Noe kom ens oet die boet

Vergeat mit os den tied

Doe bes ’n paar daag droet

 

Want oug die oet de stad

Die doon hie richtig mit

Ze weite oet ervaring

Dat hie stumming zit

 

Loat os noe ens saame sprenge

Zenge tra-la-la

Veer goan nog neit noa hoes

De mam die is neit toes

 

En hubbe veer dan oug

Ein heel klein stukske in de kraag

Dat is sjoon, Dat is fein

Same ’t refrein

 

Refrein: 2 keer

 

De Einerkoezer karnaval,

is noe weer van start

Dea Sjoone spas en kolderkal

Kump os oet ’t hart

 

De Einerkoezer karnaval,

’t sjoonste wat ‘r is

Wae hie neit mit heat rondj gedans

Dea heat get gemis.

 


 

 

Zet ‘m op

Melodie: “Comment Ca’va”

Teks: Chris Paes (1984)

 

Refrein:

Kom zet ‘m op

’t Ganse dörp steit op de kop

al maak v’r leave en kabaal

dat is os sjiet joa sjiet egaal

Kom zet ‘m op

’t Ganse dörp steit op de kop

al maak v’r leave en kabaal

dat is os sjiet joa sjiet egaal

 

Want mit vasteloavend

Dan spreng veer oet de bandj

Dan zeen veer de gekste

De gekste van ’t landj

Drie daag same sprenge

Caféke in caféke oet

En wie eine knarie zenge

En mèr bloaze op die toet

 

Refrein:

Kom zet ‘m op

’t Ganse dörp steit op de kop

al maak v’r leave en kabaal

dat is os sjiet joa sjiet egaal

Kom zet ‘m op

’t Ganse dörp steit op de kop

al maak v’r leave en kabaal

dat is os sjiet joa sjiet egaal

dus zet ‘m op

 

Eine keer in ’t jörke

Dan zeen v’r vogelvrie

Dan houf v’r niet te wirke

Al os zörg zeen dan veurbie

 

Dan pak v’r os die guiies

En die kwartjes oet de zök

Want veur esjellegounsdig

Zuut os néemes meer teruk

 

Ach g’r mot mèr altied denke

Zo lang os dörpke blif bestoan

Zeen mit vasteloavend viere

Veer door néemes meer te sloan

 

Refrein:

Kom zet ‘m op

’t Ganse dörp steit op de kop

al maak v’r leave en kabaal

dat is os sjiet joa sjiet egaal

Kom zet ‘m op

’t Ganse dörp steit op de kop

al maak v’r leave en kabaal

dat is os sjiet joa sjiet egaal

Dus zet ‘m op.

 


 

 

Bie os in ’t Törp

Teks: Chris Paes (1984?)

 

 

Kent geer dat Dörpke in ‘t limburgse landj

Dao sjteit os hertje toch veur in brandj

Mit vastelaovend gaon vèr allemaol oet

In Einekoeze zeen vèr dan weer droet

In Einekoeze zeen vèr dan weer droet

 

Jodelahitie enz, enz,

Bie os in ’t Törp

 

De smautbuule gaon ’t dörp op en aaf

Ze knippe ein uigske en roupe alaaf

En nao d’n optoch is de sjtumming ten top

Dan sjteit Einekoeze richtig op ziene kop

Dan sjteit Einekoeze richtig op ziene kop

 

Jodelahitie enz, enz,

Bie os in ’t Törp

 

De maskes ze zenge van os marie

Ze vège ein traon weg, ’t is bienao veurbie

Mit esjelegounsdig ruip oos weer de plich

Vèr motte gaon wirke mit ei lachend gezich

Vèr motte gaon wirke mit ei lachend gezich

 

Jodelahitie enz, enz,

Bie os in ’t Törp

 


 

 

Mien dörpke dat laef

Teks en meziek: Phil Schaeken (2003)

 

 

Refrein:

Mien dörpke dat laef, al jaore, jaore lank

Wo ich zovööl óm gaef, ’t geit röstig ziene gank

En al 55 jaor, sjtaon de Smautbulen hiej klaor

Zie zörge dat dat dörpke jeder jaor opnuuj wei’r laef

Jao, zie zörge dat ich ummer óm mien Einekoeze gaef.

 

Gaon ich Einekoeze in, e kepelke

Fits ich Einekoeze door, e kefeeke

De töres van de kirk

Ich weit niet of geer ’t mirk

Zeen ich Einekoeze dao, mit dat buurke

Mit dat beeld van ozen Heer

Dan geit mien hart wei’r heller sjlaon

En zèng ich jedeskeer……..

 

Refrein

 

Loup ich Einekoeze door, boerderieje

Wènke luuj dao aan de roet, vuil ’t blieje

Concordia meziek

Och dörp wat bès ze riek!

Kiek dat sjeulke op d’n houk, mit die kènjer

Pruif de vla, die is nog werm

Ós voetbalklup, auw ambachte

Sjnap mich mer biej d’n erm……….

 

Refrein

 

Zeen ich fruitbuim in de weij sjoon in bluij sjtaon

Zeen ich zunjigsmörges luuj nao de kirk gaon

De bloume aan die moer

Ich druim zo mènnig oer

Heur de luuj dao op dat fees leidjes zènge

Kiek ze lache óngerein

Veer Smautbulen, veer laeve zo

Dat geit hiej van allein………

 


 

 

Dat is de Hermenie

Teks en meziek: Peter, Eric & Jean i.s.m. de Auwt Prinse Einekoeze (2000)

 

 

Refrein

In kafee en op de sjtraot, heurste ein trumpke in de maot

Dat is de Hermenie, jao jao de zaate Hermenie

De trommelaer huijt in kom op, wae haet nog zin

Dat is de Hermenie, jao jao de zaate Hermenie

 

Noe kiek dae Soes en heur dae Tuba, en wie sjeurt toch die Trombone

Auch de Trompet sjpeelt zien partieke, jongens laot hem nog ens gaon

De luij die gaon in polonaisse achterein hie door dae zaal, op de meziek

Van het Hermenieke, loester mer nao dit kabaal

 

In kafee en op de sjtraot, heurste ein trumpke in de maot

Dat is de Hermenie, jao jao de zaate Hermenie

De trommelaer huijt in kom op, wae haet nog zin

Dat is de Hermenie, jao jao de zaate Hermenie

 

Twee drie veer sjtummig sjpeele zie mit vöäl tam tam hunne meziek.

En auch den trekzak leet zich heure jao dat maak het ens zo riek

Dus pak euch mer ens in den erm, of sjàek de hendjes in de loch

En loester lekker nao die deuntjes, dao van kriste nootsj genoch

 

In kafee en op de sjtraot, heurste ein trumpke in de maot

Dat is de Hermenie, jao jao de zaate Hermenie

De trommelaer huijt in kom op, wae haet nog zin

Dat is de Hermenie, jao jao de zaate Hermenie

 

Zie drenke op de tied ein pilske, meistal is dat meer dan ein

Mer dat verhoog allein de sjtùmming, soms is dat auch waal te zeen.

En auch de note waere sjeiver, mer dat kent der nog waal biej.

Want es te good deis heure, heurs doe ein Zaate Hermenie

Heij.

 


 

 

Kleine Smautbuul

Tekst: Ger Pepels (2004)

 

 

couplèt

Wie ich ‘ne kleine smautbuul waor

Toen zag mich jederein

Es urges gèt te viere völt

Dan geit dat niet allein

Op school dao leerde veer al schjnel

De daden en ’t woord

D’rom gaon ich noe ich groter bèn

Mit jeder feest akkoord

 

Refrein

Carnaval is in ’t lanjd

Veer trèkke weer d’rop oet

Eine Smautbuul guuf neijt op

Al gaon de sjtekkers droet

Gans einekoeze gekkeboel

Dao kènste van op aan

Drie daag lank de kop op hol

De zörrig van de baan

 

couplèt

De vastelaovend is ein fees

Dat is veur groot en klein

Errem of riek dat maak niks oet

Veer pakke os biejein

 

Dus sjprèng noe mit en laot dich gaon

Dien zörrig mös doe kwiet

Want ès ’t later neejt meer geit

Höbs doe allein noch sjpiet

 

Refrein

 

Refrein

 

Extra

Drie daag lank de kop op hol

De zörrig van de baan

 


 

 

In ’t riek van de Smautbuul

Tekst: Ger Pepels (2003)

 

Kens dich neejt dat leuke dörpke dat Einekoeze hèt

Vertèl dat dan wiejer aan angere zodat jederein dat wèt

Gein plaetske in de wereld dat ich gèr verruul

Want in Einekoeze woont de èchte Smautbuul

 

In ‘t riek van de Smautbuul jao doa is ‘t goad

Door het riek van de Smautbuul joa doa door krup mien bload

In ‘t riek van de Smautbuul joa doa laeft ‘t zich goad

Door ‘t riek van de Smautbuul joa doa door krup mien bload

 

Dat plaetske aan de ‘t sjluntje ‘t baekske zonger brök

‘t dörpke mit twee kirktööres doa kom ich gèr noa trök

Dat dörpke lik versjtoke in ‘t limburgs schjonste greun

Doa kèns ze nog vredig laeve dat is doa gans geweun

 

In ‘t riek van de Smautbuul jao doa is ‘t goad

Door het riek van de Smautbuul joa doa door krup mien bload

In ‘t riek van de Smautbuul doa veul ich mich toes

In ‘t riek van de Smautbuul doa veul ich mich toes

 


 

 

Sjmautbuuelebal in ‘t heelal

Tekst: Jeroen Heylighen en Gaer Biejein (2004)

 

Pluto, mars of de maon

Nae aan keus gein gebrek

Opzuik nao get ruumte

Mesjiens waal ’n baetere plek

 

Refrein

5,4,3, Kiek ós sjmautwurmkes hie, veer zien klaor veur de rit

2,1,0, wae geit d’r mit ós mit

Sjmautbuuelebal in ’t heelal

Veer brenge de sjmaut alvas nao baove

Sjmautbuuelebal in ’t heelal

Tis weer carnaval, veer brenge ’t sjmautbuuelebal

 

Kiek de sjterre die sjtraole

De maon die al nao ós lach

Jao ich weit ’t zeker

Veer waere dao baove verwach

 

Refrein

 

Sjtart de motore

Tis tiet om te gaon

’t sjmautbuueleriek

Krich dao baove ’n gans nuu besjtaon

Refrein

Nao baove, nao baove………sjmautbuuelebal

 


 

 

Ens eine Smautbuul

Tekst: Ger Pepels (2005)

 

Kump’s doe es Smautbuul op de welt

dan wurt dich dèk vertelt

Dat de Smautbuul sjteit veur lol en sjpas

Joare later sjnaps’te ‘m pas

 

Refrein

Ens eine Smautbuul

Altied eine Smautbuul

Dat wurt ’t motto

Dat wurt ’t motto

Ens eine Smautbuul

Altied eine Smautbuul

Dat wurt ’t motto

Doa geit’r veur

 

Trök’ste mit d’n optocht op

Mit enne groep of mit de fits

’t Kump d’r op aan das’te get deis

en neit lanks de kantjlien sjteis

 

Refrein

Ens eine Smautbuul

Altied eine Smautbuul

Dat wurt ’t motto

Dat wurt ’t motto

Ens eine Smautbuul

Altied eine Smautbuul

Dat wurt ’t motto

Doa geit’r veur

 

Kumps’te later bie de road

jungske dat kent toch gein koad

zuuste al die luuj die höbbe sjpas

Eindelik dan sjnaps’te ‘m pas

 

Refrein

Ens eine Smautbuul

Altied eine Smautbuul

Dat wurt ’t motto

Dat wurt ’t motto

Ens eine Smautbuul

Altied eine Smautbuul

Dat wurt ’t motto

Doa sjtaon veer veur

 

Kump carnaval weijer in ’t landj

dan trök de Smautbuul Handj in handj

hae maak dan sjpas en heel väöl lol

jong wie hiljt hae dat toch vol

 

Refrein

Ens eine Smautbuul

Altied eine Smautbuul

Dat wurt ’t motto

Dat wurt ’t motto

Ens eine Smautbuul

Altied eine Smautbuul

Dat wurt ’t motto

Doa gaon veer veur

 

 


 

 

Ens eine Sjmautbuuel

Teks en Meziek: Jeroen Heylighen / Mus Creaties (2014)

 

 

De 11-de van de 11-de, de banier geit weier omhoog, ein nuu sezoen
De vastelaovend ként beginne
De zitting, ti’s weier sjweite, wae wurt prins, v’r wille ’t weite
Welke man krig die 2 vaere

Jao veer zeen weier klaor veur de polonaise
De blaue jeskes, die gaon weier veurop
Van de hei tot aan de sjlont                                                (Refrein)
Jao, veer sjprénge weier in ’t rond
Want éns eine Sjmautbuuel…altiet eine Sjmautbuuel
…richtig

‘T auwieverbal, de sjleuteleuverdrach
De prinsesjtraot wurt weier geäöpent
‘N prins en jeugprinsepaar, aan alles wurt gedach, heur os kapelkes
Aan niks zal ’t ontbraeke

Refrein

De groote optoch, de finaale, niks hilt ós taenge, veer zeen klaor
De fanfaar geit weier veurop
De prins geujt appelesiene, kiek ‘m geneite, ein groot fees
In zón, sjnee of raenge

Refrein

—–

Mer ouch aan dit jaor kump weier ’n énj
Genaote van ’t dörp en van ósse prins
De banier geit weier ómleech, mit ein traon en ein lach
Kiek v’r nao ósse vlag

Mer, noch effekes, danne beginne v’r weier van opnuu
De volgende ginneraase sjteit alweier klaor
Dus v’r höffe ’t glaas, mit zien alle, noch eine keer
Sjmautbuule…alaaf